"Инженеринг сервис'' ХХК-н үйл ажиллагаатай танилцахыг хүсэж энэхүү хуудсанд зочилж буй танд юуны түрүүнд талархал илэрхийлье.
“ Инженеринг сервис ” ХХК нь 1996 оноос Ус сувгийн салбарт үйл ажиллагаагаа явуулж эхэлсэн. 2002 оноос усны тоолуураар дагнан ажиллаж байна. Хүн төрөлхтөний ундны цэнгэг усны нөөц багасч байгаа өнөө үед манай улс ч мөн адил ундны цэнгэг усаар хязгаарлагдмал нөөцтэй орны нэгд тооцогддог билээ.Сүүлийн жилүүдэд дэлхий дахины дулаарал, цөлжилт, хуурайшил бий болсон нь улам ч анхаарал татах боллоо.Хүний амьдралын гол эрдэнэ болсон усаа ариг гамтай ашиглаж хүн хэрэгцээнийхээ хирээр хэрэглэж, хэрэглэснийхээ хирээр төлбөр тооцоогоо хийх шаардлагатай болж байна.
Тиймээс манай компани усны тоолуур импортоор оруулж ирж тэдгээр тоолуурыг шалгаж засварлах, баталгаажуулахад шаардлагатай тоног төхөөрөмжийг санаачилан усны тоолуурын анхны лабораторыг 2002 онд байгуулан өнөөдрийг хүртэл өргөжин хөгжиж орчин үеийн тоног төхөөрөмжөөр хангагдаад байна.
Бидний амжилтын гол түлхүүр бол эх орныхоо ирээдүйн сайн сайхны төлөө сэтгэл санаа нэгдэн, хамтарч ажилладаг эрч хүчтэй, мэдлэг чадавхитай залуус юм. Тиймээс бид ажиллагсдынхаа мэдлэг боловсролыг дээшлүүлэх, ур чадварыг нь байнга хөгжүүлэх ажлын орчныг бүрдүүлэхэд их анхаардаг.
Бизнесийн цар хүрээ тэлж, компани маань өсч томрохын хэрээр харилцагчид,үйлчлүүлэгчид, ажиллагсад, цаашлаад нийгэм, улс орныхоо өмнө хүлээх бидний үүрэг, хариуцлага улам бүр өндөрсөж байна. Бид дэлхийн стандарт, дэвшилтэт тэргүүний техник, технологийг эх орондоо нэвтрүүлж, нийгмийн өмнө хүлээсэн хариуцлагаа бүрэн дүүрэн хэрэгжүүлэхийг эрхэм зорилго болгон ажилладаг билээ.
Та бүхэнд сайн сайхан бүхнийг хүсэн ерөөе!
''Инженеринг сервис'' ХХК-н захирал Очирлантуу ЧАМИНДӨЛ